İstifadə şərtləri

Qısa və sadə dillə. Sualınız olsa, yazın: reklam@quizim.az

Quizzzz nədir

Quizzzz test PDF-ini, səhifənin şəklini və ya mövzu mətnini (konspekt, dərslik) quizə çevirən saytdır. Quizi yaradan şəxs hesab açır; linki alanlar qeydiyyatdan keçmir — yalnız adlarını yazırlar. Quizi həll etmək hamı üçün pulsuzdur.

Qiymətlər və ödəniş: Polen

• Quizlərin linki Polenlə açılır — saytın daxili balansı. Polen paketlərlə alınır; qiymətləri «Qiymətlər» bölməsində görünür.
• Hər yeni hesaba hədiyyə Polen verilir (hazırda 50) — bir e-poçt qutusuna bir dəfə. Sayt e-poçtu təsdiq etməyi istəyirsə, hədiyyə məktubdakı linkə toxunandan sonra düşür. Müvəqqəti (bir dəfəlik) e-poçt qutularına hədiyyə verilmir.
• 1 Polen = 1 sual. Quizin linki açılanda onda neçə sual varsa, o qədər Polen çıxılır, kimin həll edə biləcəyinə görə vurulur (fərdi ×1, ailə ×1.25, qrup ×2) və yuxarı yuvarlaqlaşdırılır. Hər quiz limitsizdir: vaxtla bitmir, istənilən qədər həll olunur.
• Fərdi quiz — yalnız onu yaradan şəxs həll edir, link başqasında açılmır.
• Ailə quizi — 5 fərqli adama qədər (məsələn, valideynin uşaqları). Hər birinin nəticəsi quizi yaradanın panelində görünür.
• Qrup quizi — linki olan hər kəs həll edə bilər; hamının nəticəsi yaradanın panelində görünür.
• Test PDF-indən, şəkildən və ya mövzudan (sualları süni intellekt yazır) olmasından asılı olmayaraq, qiymət eynidir. Mövzudan 30 sual daha yazdırmaq pulsuzdur — yalnız quizə qoyulan suallar sayılır.
• Fərdi və ya Ailə quizini sonradan Qrup quizinə çevirmək olar — yalnız iki qiymətin fərqi ödənilir.
• Polen yalnız quizin linki açılanda çıxılır. Sualları əvvəlcə pulsuz yoxlayırsınız.
• Polenin vaxtı bitmir. Heç bir paket özü yenilənmir — kartınızdan təkrar pul çıxmır.
• Ödəniş təsdiqlənəndən sonra Polen hesabınızın balansına yazılır. Polen başqa hesaba köçürülmür və pula çevrilmir (aşağıdakı qaytarma halları istisnadır).

Pulun qaytarılması

Quizin linki açılandan sonra 24 saat ərzində və quiz 5 dəfədən az həll edilibsə, yazın — Polen balansınıza qaytarılır. Alınmış, amma istifadə olunmamış Polenin pulu da müraciətlə qaytarılır.

Hesabınız

• Quiz yaratmaq üçün email və parolla hesab açılır. Hesab istənilən telefonda və kompüterdə işləyir; quizləriniz, balansınız və nəticələr orada saxlanır.
• Parol açıq saxlanmır — yalnız onun geri qaytarılmayan şifrələnmiş izi saxlanır. Parolu unutsanız, «Daxil ol» pəncərəsində «Parolu unutmusan?» düyməsinə toxunun — yeni parol qoymağın yolu orada yazılıb.
• Parolunuzu başqasına verməyin: hesaba girən şəxs balansınızdan istifadə edə və nəticələri görə bilər.
• Hesab bir nəfərindir: eyni anda ən çox 2 cihazda (telefon, kompüter) açıq qala bilər. Üçüncü cihazda daxil olanda o biriləri çıxarmaq təklif olunur; cihazları «Hesabım»-da görüb çıxara bilərsiniz.
• Hesab açmadan əvvəl bu telefonda alınmış balans (şəxsi kodla, məsələn K7MP-3QXA) hesaba açılanda ora keçir.

Yüklədiyiniz fayllar

• PDF və şəkillər serverdə saxlanmır — yalnız onlardan çıxarılan suallar saxlanır.
• Yüklədiyiniz materialın hüququna siz cavabdehsiniz. Quizlər şəxsi və qrup istifadəsi üçündür; saytda ictimai kataloq yoxdur.
• Müəllif hüququ sahibi şikayət etsə, quiz 24 saat ərzində silinir.

Məxfilik

• Hesab üçün yalnız email, ad (istəyə bağlı) və rol (tələbə, şagird, valideyn/müəllim) saxlanır.
• Quizi həll edən şəxs adını yazır. Ad, bal, vaxt və hansı suallarda səhv etdiyi yalnız quizi göndərən şəxsə görünür. Qrup quizlərində ad və bal həmçinin quizin liderlər cədvəlində görünür.
• Quiz yalnız öz linki ilə açılır: quizlər heç yerdə siyahıya alınmır və axtarış sistemlərinə (Google və s.) düşmür.
• Uşaq rejimindəki quizlərdə liderlər cədvəli yoxdur: uşağın adı və nəticəsi yalnız onu göndərən valideyn və ya müəllimin panelindədir.
• Uşaqlara quiz göndərən valideyn və ya müəllim bunun üçün razılığa cavabdehdir. Uşağın yalnız adını (soyadsız) yazmağı tövsiyə edirik.
• Saytın statistikası üçün ümumi saylar (neçə quiz yaradıldı, neçə dəfə həll edildi) toplanır. Şəxsi məlumat satılmır.
• E-poçt təsdiqi və «yeni parol» məktubları e-poçt xidməti (Brevo və ya Resend) vasitəsilə göndərilir: ona yalnız e-poçt ünvanınız və məktubun özü ötürülür.
• Hesabınızın və nəticələrin silinməsini istəsəniz, yazın — 7 gün ərzində silinir. E-poçt ünvanı da silinir; yalnız onun geri qaytarılmayan şifrələnmiş izi qalır ki, eyni qutuya hədiyyə Polen ikinci dəfə verilməsin.
• Ödəniş kart məlumatlarını Quizzzz görmür — ödəniş xidmətinin öz səhifəsində edilir.

Son yenilənmə: 16 oktyabr 2026.